Roman script
hai ye zami hamaari vo aasamaa hamaaraa
lo aaj vaqt badalaa saaraa jahaan hamaaraa hai
hai ye zami hamaari
ham jis taraf chale hai duniyaa badal ga_i hai
tufaan hat gayaa hai aandhi sambhal ga_i hai
karataa hai naaz khud par har ek javaa hamaaraa
lo aaj vaqt badalaa
kashti ko le chale maujo pe ham khushi ki
aavaaz aa rahi hai kaano me zindagi ki
roke nahi rukegaa ab kaaravaa hamaaraa
lo aaj vaqt badalaa
ye chimaniyaa milo ki ye taaj ki minaare
gagaa ki bahati mauj jamanaa ke tej dhaare
dharati kaa zarraa zaraa hai raazadaa hamaaraa
lo aaj vaqt badalaa
paigaam de rahe hai ham sabako dosti kaa
dakaa bajaa rahe hai ham duniyaa me shaati kaa
insaaniyat kaa jhandaa hai ab nishaa hamaaraa
lo aaj vaqt badalaa
Explore this song