Gayaa Andheraa Huaa Ujaaraa Chamakaa Chamakaa Subah Kaa Taaraa

Roman script

gaya andhera hua ujara 
chamka chamka subah ka tara
tute dil ka bandha sahara 
chamka chamka subah ka tara
saans khushi ki tan me aayi
armano ne li angdayi
jaag uthi ummide sari
jaag uthi taqdir hamari
kahi kisi ne dur pukara
chamka chamka subah ka tara   
murjhayi kali kya phir se khilegi
khoyi hui kya rahat milegi
kahi ye tara tut na jaye
subah ka sathi chhut na jaye
ankho me rah jaye nazara
chamka chamka subah ka tara   
gayi udasi raunak chhayi
roshni ab jivan me aayi
hansi khushi ka chhedo tarana
nach uthe man jhume zamana
sama suhana pyara pyara
chamka chamka subah ka tara