അനുഭൂതി പൂക്കും - D

Malayalam lyrics

അനുഭൂതി പൂക്കും നിൻ മിഴികളിൽ 
നോക്കി ഞാൻ
വെറുതെയിരുന്നേറെ നേരം
കരളിന്റെയുള്ളിലോ കാവ്യം 
അറിയാതെ നീയെന്റെ 
ഹൃദയമാം വേണുവിൽ
അനുരാഗ സംഗീതമായീ
മധുരമെൻ മൗനവും പാടി
അഴകിന്റെ പൂർണ്ണിമ മിഴികളിൽ വിരിയുമ്പോൾ
നീയെന്റെ ജീവനായ്‌ മാറും
(അനുഭൂതി...)
ഉള്ളം നിറയും ഋതുകാന്തിയായ്‌ നീ
ഇന്നെൻ കിനാവിൽ തുടിച്ചൂ
കളഭം പൊഴിയും ചന്ദ്രോദയംപോൽ
നീയെന്റെ ഉള്ളിൽ വിരിഞ്ഞൂ
മൃദുതരമുതിരും സുരഭിലരാവിൻ കതിരായ്‌
നീയെൻ പുണ്യംപോലേ
(അനുഭൂതി...)
മിഴിയിൽ തെളിയും നിറമുള്ള വാനിൽ
ഒരു രാജഹംസം പറന്നൂ
പറയാൻ വൈകും ഒരുവാക്കിനുള്ളിൽ
അഭിലാഷമധുരം കിനിഞ്ഞൂ
മധുരിതമുണരും തരളിതമലരിൻ മൊഴിയായ്‌
നീയെൻ പുണ്യംപോലേ
(അനുഭൂതി...)