Roman script
ae mere watan ke logo, tum khub laga lo nara
ye shubh din hai ham sabka, lahra lo tiraga pyara
par mat bhulo seema par, viro ne hai pran ganvaye
kuchh yad unhe bhi kar lo, kuchh yad unhe bhi kar lo
jo laut ke ghar na aaye, jo laut ke ghar na aye
ae mere watan ke logo, zara ankh me bhar lo pani
jo shahid huye hai unki, zara yad karo qurbani
ae mere watan ke logo, zara ankh me bhar lo pani
jo shahid huye hai unki, zara yad karo qurbani
tum bhul na jao unko, ishliye suno ye kahani
jo shahid hue hai unki, zara yad karo qurbani
jab ghayal hua himalay, khatare me padi azadi
jab tak thi sans lade vo,
jab tak thi sans lade vo, phir apani lash bichha di
sagin pe dhar kar matha, so gaye amar balidani
jo shahid huye hai unki, zara yad karo qurbani
jab desh me thi divali, vo khel rahe the holi
jab ham baithe the gharo me, vo jhel rahe the goli
the dhanya javan vo apne, thi dhanya vo unki javani
jo shahid hue hai unki, zara yad karo qurbani
koi sikh koi jat maratha, koi sikh koi jat maratha
koi gurkha koi madrasi, koi gurkha koi madrasi
sarahad pe maranevala,
sarahad pe maranevala, har vir tha bharatvasi
jo khun gira parvat par, wo khun tha hidustani
jo shahid hue hai unki, zara yad karo qurbani
thi khun se lath-path kaya, phir bhi banduk uthake
das-das ko ek ne mara, phir gir gaye hosh ganva ke
jab ant-samay aya to
jab ant-samay aya to, kah gaye ke ab marate hai
khush rahna desh ke pyaro
khush rahna desh ke pyaro, ab ham to safar karte hai
ab ham to safar karte hai
kya log the vo divane, kya log the vo abhimani
jo shahid hue hai unki, zara yad karo qurbani
tum bhul na jao unko, ishliye kahi ye kahani
jo shahid hue hai unki, zara yad karo qurbani
jai hind jai hind ki sena
jai hind jai hind ki sena
jai hind, jai hind, jai hind
Explore this song