Malayalam lyrics

വീടായാൽ വിളക്കുവേണം
വിളക്കിന്നു തിരിവേണം
വാതിൽക്കൽ കൊളുത്തിവയ്ക്കാൻ
വളകിലുങ്ങണ കൈവേണം...വേണം (വീടായാൽ)
ചുറ്റും കുളം വേണം
ചെന്താമര വേണം
സ്വപ്നം കണ്ടുറങ്ങുവാൻ
കൂട്ടുവേണം
സ്വപ്നം കണ്ടുറങ്ങുവാൻ
കൂട്ടുവേണം ...വേണം (വീടായാൽ)
കാർകൂന്തൽ കെട്ടാതെ കുളിച്ചീറൻ മാറാതെ
കാലത്തെയുണർത്തുവാൻ
തോഴി വേണം
കാലത്തെയുണർത്തുവാൻ
തോഴി വേണം..വേണം (വീടായാൽ)
മോതിരക്കൈ നീട്ടി
മോഹത്തിൻ മധുരങ്ങൾ
ചോദിച്ചു മേടിക്കാൻ ആളു വേണം
ചോദിച്ചു മേടിക്കാൻ ആളു വേണം...വേണം
മുത്തണിയരമണി കിലുകിലെ
കിലുങ്ങേണം
മുറ്റത്തു കൊച്ചുകാൽ പൂവിടേണം
മുറ്റത്തു കൊച്ചുകാൽ പൂവിടേണം (വീടായാൽ)

Song video

Watch on YouTube

Song details

വർഷം: 1965

സംഗീതം: എം എസ്‌ ബാബുരാജ്‌

ഗാനരചന: വയലാർ രാമവർമ്മ

ഗായകർ: പി ബി ശ്രീനിവാസ്, എസ് ജാനകി

വിശദവിവരങ്ങൾ: venu

വിഡിയോ: ഷിബു ജേക്കബ്

Album: ചേട്ടത്തി