Malayalam lyrics

ആരാരിരോ ... ആരിരാരോ....
താരാട്ടുപാടീട്ടും താലോലമാടീട്ടും
എന്മണിക്കുഞ്ഞേ നീയുറങ്ങീലേ
ഇനിയും ഉറങ്ങീലെ?
അമ്പിളിമാമനെ കാട്ടിയാലൊ നിന്റെ
പീലിത്തിരുമുടി ചായ്ചുവല്ലോ
കാച്ചിയപാലിന്‍ പുഞ്ചിരി ചോദിച്ചൊ-
രായിരം വട്ടം ഞാനൂട്ടിയല്ലോ
ഇന്നും ഊട്ടിയല്ലോ
നാളത്തെ രാജാവായ് നീവളരാനമ്മ
കണ്ണീരും കയ്യുമായ് നോറ്റിരുപ്പൂ
നിന്റെ സാമ്രാജ്യത്തില്‍ അമ്മയ്ക്കുമിത്തിരി
തലചായ്ക്കാന്‍ നീ ഇടം തരണേ
എന്നും ഇടം തരണേ

Song video

Watch on YouTube

Song details

വർഷം: 1995

സംഗീതം: രവീന്ദ്രൻ

ഗാനരചന: കൈതപ്രം

ഗായകർ: അമ്പിളി രാജശേഖരൻ

രാഗം: ശുദ്ധസാവേരി

ഹിന്ദുസ്ഥാനി രാഗം: ദുർഗ്ഗ, ലാജ്വന്തി

വരികൾ: ശ്രീദേവി

യൂട്യൂബ് ഓഡിയോ: ബാലമുരളി

Album: കാക്കയ്ക്കും പൂച്ചയ്ക്കും കല്യാണം