Swargam Kaninju / സ്വർഗ്ഗം കനിഞ്ഞു

Malayalam lyrics

സ്വര്‍ഗ്ഗം കനിഞ്ഞു ജഗത്തിന്നു തന്ന
സ്വപ്നത്തിന്‍ മൊട്ടേ നീയുറങ്ങ്
കൈക്കുമ്പിളില്‍ പൊന്‍ കനിയായ് വന്ന
ചക്കരക്കുട്ടാ നീയുറങ്ങ്
കണ്ണിന്നു കര്‍പ്പൂരധാരചൊരിഞ്ഞ
സ്വര്‍ണ്ണത്തിടമ്പേ നീയുറങ്ങ്
കാതിന്നു പീയൂഷസാരം പകര്‍ന്ന
ഗാനക്കുഴമ്പേ നീയുറങ്ങ്
മന്നന്റെ സൌഭാഗ്യ ദീപം തെളിച്ച
പൊന്നിന്‍ നിലാവേ നീയുറങ്ങ്
പുണ്യങ്ങളൊന്നായ് രൂപം ധരിച്ച
ഉണ്ണിക്കിടാവേ നീയുറങ്ങ്
അഞ്ചും മിഴിത്താരിതള്‍ ചേര്‍ത്തടച്ചെന്‍
കൊഞ്ചും കുരുന്നേ നീയുറങ്ങ്
പുഞ്ചിരിമായാത്ത ചെഞ്ചുണ്ടു ചേര്‍ത്തെന്‍
നെഞ്ചിൽ കിടന്നു നീയുറങ്ങ്
വാവാവോ.... വാവാവോ.....

Song video

Watch on YouTube