Neelamukilukal / നീലമുകിലുകൾ

Malayalam lyrics

നീലമുകിലുകള്‍ കാവല്‍ നില്‍ക്കും
വാനരാജധാ‍നിയില്‍
മാരിമുകിലുകള്‍ വേലികെട്ടും
മല്ലികപ്പൂവാടിയില്‍
വാവുനാളില്‍ പാറിവന്നൊരു
പാതിരാക്കിളിയെങ്ങുപോയ്
മൂടല്‍മഞ്ഞില്‍ മൂളിയെത്തിയ
പൂമരക്കിളി എങ്ങു പോയ്
എങ്ങു പോയ് കിളി എങ്ങു പോയ്
അമ്പിളിക്കിളി എങ്ങു പോയ്
പാതിരാവിന്‍ ചെമ്പകത്തില്‍ പാട്ടുപാടിയ പൈങ്കിളി
മൂടല്‍മഞ്ഞിന്‍ മുല്ലക്കുടിലില്‍ കൂടുകൂട്ടിയ സുന്ദരി
താരകത്തിന്‍ മുന്തിരിക്കുല കൊത്താതെങ്ങോ പോയല്ലോ
കൂരിരുളില്‍ വേടനെക്കണ്ടു കൂടും വിട്ടു പോയല്ലോ
എങ്ങു പോയ് കിളി എങ്ങു പോയ്
അമ്പിളിക്കിളി എങ്ങു പോയ് (നീലമുകിലുകള്‍ )