Malayalam lyrics

മധുരിക്കും ഓര്‍മ്മകളേ..
പ്രേമയമുനയിലലതല്ലും ഓളങ്ങളേ (മധുരിക്കും ..)
പിരിയുമ്പോ‍ളൊരു വാക്കും ഉരിയാടാനൊക്കാത്ത
പ്രിയയുടെ ചിത്രം ഒന്നെഴുതിയാലും (മധുരിക്കും..)
കരിമുകിൽ മാലയിൽ ദൂരത്ത് ദൂരത്ത്
കനക നക്ഷത്രം തെളിഞ്ഞിടുമ്പോൾ
കവിളത്ത് കണ്ണുനീർ മുത്തുമായ് നിൽക്കുന്ന
സഖിയെ ഞാൻ കാണുന്നു കണ്മുനയിൽ (മധുരിക്കും..)
കരയുവാൻ വെമ്പുന്ന ചുണ്ടുമായ് പാ‍തിരാ
മലരുകൾ നിശബ്ദം നോക്കി നിൽക്കേ
പിരിയുന്ന നേരത്ത് ഞങ്ങളിൽ തിങ്ങിയ
വിരഹത്തിൻ ശോകം ഞാനോർമ്മിക്കുന്നു (മധുരിക്കും..)

Song video

Watch on YouTube

Song details

വർഷം: 1967

സംഗീതം: വി ദക്ഷിണാമൂർത്തി

ഗാനരചന: പി ഭാസ്കരൻ

ഗായകർ: കമുകറ പുരുഷോത്തമൻ

അഭിനേതാക്കൾ: മധു

വിശദവിവരങ്ങൾ: അഡ്മിൻ

വിഡിയോ: ജയലക്ഷ്മി രവി

Album: ലേഡീ ഡോക്ടർ