Madhuraapuriyoru / മഥുരാപുരിയൊരു

Malayalam lyrics

മഥുരാപുരിയൊരു മധുപാത്രം - അതിൽ
നിറയും മദിരയിതാ
മാദക മായിക ലഹരിയിതാ - ഇതു
നുകരൂ നുകരൂ നുകരൂ (മഥുരാ)
മധുപനുറങ്ങാൻ മലരിതൾ പോലെ
മഞ്ചലിതാ മണി മഞ്ചലിതാ
വീശി വീശി ഉറക്കൂ താമര
വിശറികളേ മലർ വിശറികളേ (മഥുരാ)
പകൽക്കിനാവിൻ പടികൾ കടന്നൊരു
പാരിജാതം കൊണ്ടുവരൂ - ഒരു പാരിജാതമെനിയ്ക്കു തരൂ
പനിനീർ ചോലകൾ നീന്തിവരുന്നൊരു
കാറ്റിൻ കുളിരു തരൂ - പൂങ്കാറ്റിൻ കുളിരു തരൂ (മഥുരാ)
പറന്നു പോമൊരു പൊന്നരയന്ന-
ത്തൂവലെടുത്തു തരൂ - ഒരു തൂവലെനിയ്ക്കു തരൂ
തുടുത്ത മുന്തിരി നീരിൽ മുക്കി
എഴുതണമൊരു ചിത്രം
ഇനി എഴുതേണം ഒരു ചിത്രം
ആരുടെ ആരുടെ ചിത്രം