Malayalam lyrics

മാനത്തെ യമുനതന്‍ മാണിക്യപ്പടവിങ്കല്‍
മാടിമാടി വിളിക്കുന്നതാരേ നീ
ഓരോരോ കിനാവുകളോളം തുളുമ്പോഴും
ഓടിയോടിയോടിയെത്തും മാരനെ
വാര്‍മഴവില്ലിനാല്‍ വീണയും മീട്ടി നീ
വാസന്തസന്ധ്യയായ് നിന്നു (വാര്‍മഴവില്ലിനാല്‍)
കളിവഞ്ചിയേറി കവിതയും മൂളി
കാണാന്‍ കാമുകന്‍ വന്നീടുന്നു
ഓരോരോ കിനാവുകളോളം തുളുമ്പോഴും
ഓടിയോടിയോടിയെത്തും മാരനെ
പാതിരാമുല്ലകള്‍ മോതിരം മാറുന്ന
പാലൊളിപ്പന്തലിന്‍ താഴെ (പാതിരാ)
മണിവീണ മീട്ടി കൈത്തിരി നീട്ടി
മാരന്‍ കാണുവാന്‍ വന്നീടും
മാരന്‍ കാണുവാന്‍ വന്നീടും (മാനത്തെ)

Song video

Watch on YouTube

Song details

വർഷം: 1965

സംഗീതം: ആലപ്പി ഉസ്മാൻ

ഗാനരചന: പി ഭാസ്കരൻ

ഗായകർ: കെ ജെ യേശുദാസ്, പി സുശീല

വരികൾ: ശ്രീദേവി, venu

യൂട്യൂബ് ഓഡിയോ: രാല രാജൻ

Album: കൊച്ചുമോൻ