Kunninmele Neeyenikku / കുന്നിന്മേലെ നീയെനിയ്ക്ക്

Malayalam lyrics

കുന്നിന്മേലേ നീയെനിയ്ക്കു കുടിലൊന്നു കെട്ടി
കന്നിപ്പെണ്ണായ് കടന്നൂ ഞാന്‍
കന്നിപ്പെണ്ണായ് കടന്നൂ ഞാന്‍
കല്യാണ പൂമാല കണ്ണീരില്‍ വാടീട്ടും
കണ്ടില്ല പണ്ടത്തേ കളിത്തോഴനേ - ഞാന്‍
കണ്ടില്ല പണ്ടത്തേ കളിത്തോഴനേ ( കുന്നിന്മേലേ )
പാടത്തു പണ്ടേപ്പോലെ പവിഴം വിളഞ്ഞു
മാടത്ത തമ്പുരാട്ടി പഴങ്കഥ പറഞ്ഞു
കരളിലെ കരിമൊട്ടു വിരിയാതെ കരിഞ്ഞു
കാലത്തിന്‍ കൊടുംകാറ്റില്‍
സ്വപ്നങ്ങള്‍ പറന്നു. ( കുന്നിന്മേലേ )
കാട്ടുതീ വിഴുങ്ങുന്ന ശോകത്തിന്‍ കാട്ടില്‍
വേട്ടക്കാര്‍ കുടുക്കിയ കതിര്‍കാണാക്കിളിയേ
കൂട്ടിലെ പൊന്‍ കുഞ്ഞിനു പുതു ജീവന്‍ നല്‍കാന്‍
പാട്ടുമായ് ഇണക്കിളി പറന്നിങ്ങു വരുമോ
പാട്ടുമായ് ഇണക്കിളി പറന്നിങ്ങു വരുമോ ( കുന്നിന്മേലേ )