Malayalam lyrics

�കൌമാരസ്വപ്നങ്ങള്‍...
പീലി വിടര്‍ത്തിയ മാനസതീരങ്ങളില്‍
നിറമാര്‍ന്ന ചിറകുമായ്
മോഹങ്ങളണയും
സ്വര്‍ഗ്ഗീയ നിമിഷങ്ങളില്‍
ആത്മാവിലജ്ഞാത രാഗമുണര്‍ന്നൂ
അഭിലാഷ കുസുമങ്ങള്‍ വിരിഞ്ഞൂ
വസന്തമേകിയ സൌരഭമെല്ലാം
വാരിപ്പുണര്‍ന്നു ഭൂമി
ആയിരം മലരുകള്‍ ചൂടിയുണര്‍ന്നു
മലയുടെ താഴ്വാരങ്ങള്‍
കൌമാരസ്വപ്നങ്ങള്‍...
അനന്തനീലിമ അലിഞ്ഞു നില്‍ക്കും
അംബര വീഥികളില്‍
വെള്ളിവിളക്ക് കൊളുത്തി നടക്കും
വെണ്‍മേഘ സുന്ദരികള്‍
മഞ്ഞിന്‍ ഹാരമണിഞ്ഞു മയങ്ങിയ
മലകളെ ഉമ്മ വയ്ക്കുമ്പോള്‍
കൌമാരസ്വപ്നങ്ങള്‍
പീലിവിടര്‍ത്തിയ മാനസതീരങ്ങളില്‍

Song details

വർഷം: 1981

സംഗീതം: എം ബി ശ്രീനിവാസൻ

ഗാനരചന: സത്യൻ അന്തിക്കാട്

ഗായകർ: എസ് ജാനകി

രാഗം: ഐരാവതി

അഭിനേതാക്കൾ: സുകുമാരൻ, സീമ

വിശദവിവരങ്ങൾ: ബാലമുരളി

Album: ആരതി