Malayalam lyrics

�കരുണാമയനായ കര്‍ത്താവേ
കാല്‍ വരിക്കുന്നിലെ ഈശോയേ
നീയന്നൊഴുക്കിയ ജീവരക്തമല്‍പ്പമെന്റെ
പാപം കഴുകാന്‍ നല്‍കേണമേ
നോവിച്ചു ഞാനയച്ച കാളസര്‍പ്പം പോലെന്റെ
ഭൂതകാലം പകവീട്ടാനണയുമ്പോള്‍
പ്രായശ്ചിത്തവുമായ് നിന്‍ കാല്‍ക്കലണയുമെന്‍
പ്രാര്‍ഥന നീയിന്നു കൈക്കൊള്ളണേ
നാഥാ നാഥാ ശ്രീയേശു നാഥാ
(കരുണാമയനായ...)
നിഴല്‍ പോലെ ഇന്നെന്നെ പിന്‍ തുടരുംതെറ്റിന്റെ
പിടിയിലെന്‍ ഹൃദയം പിടയുമ്പോള്‍
മര്‍ത്യപാപങ്ങള്‍ക്കു മൃത്യു സ്വയം വരിച്ച
രക്ഷകാ നീ എന്നെ കാത്തിടേണേ
നാഥാ നാഥാ ശ്രീയേശു നാഥാ
(കരുണാമയനായ...)

Song video

Watch on YouTube

Song details

വർഷം: 1977

സംഗീതം: ജി ദേവരാജൻ

ഗാനരചന: മങ്കൊമ്പ് ഗോപാലകൃഷ്ണൻ

ഗായകർ: പി മാധുരി

വരികൾ: ശ്രീദേവി

യൂട്യൂബ് ഓഡിയോ: രാല രാജൻ

Album: കർണ്ണപർവ്വം