Malayalam lyrics

കരുണാകരനാം ലോകപിതാവേ
കനിവിന്‍ ഉറവിടമേ
തിരുകൃപയാലീ പനിനീര്‍വനിയില്‍
കുരുവികളായ് ഞങ്ങള്‍
(കരുണാകരനാം )
അന്നന്നത്തേക്കപ്പവുമന്നവും അവിടുന്നരുളേണം.
അറിവിന്നമൃതം അനുദിനമെന്നില്‍
നിറയെപ്പകരേണം
അറിവിന്നമൃതം അനുദിനമെന്നില്‍
നിറയെപ്പകരേണം
(കരുണാകരനാം )
നിത്യം കൃപയാല്‍ ഞങ്ങടെ ചുണ്ടുകള്‍
സത്യം പറയേണം
നിത്യം നിന്നുടെ കനിവാല്‍ കണ്ണുകള്‍
വെട്ടം കാണേണം
നിത്യം നിന്നുടെ കനിവാല്‍ കണ്ണുകള്‍
വെട്ടം കാണേണം
(കരുണാകരനാം )
പാപച്ചളിയില്‍ മാനവപാദം
പതറാതടി വെയ്ക്കാന്‍
പരമപിതാവേ നീ കനിയേണം
പറുദീസാ നാഥാ...
(കരുണാകരനാം )

Song details

വർഷം: 1967

സംഗീതം: ബി എ ചിദംബരനാഥ്‌

ഗാനരചന: പി ഭാസ്കരൻ

ഗായകർ: കെ ജെ യേശുദാസ്, ബി വസന്ത

വിശദവിവരങ്ങൾ: വേണു

Album: മാടത്തരുവി