Malayalam lyrics

കനിവുനിറയും മനസ്സിനുള്ളില്‍
കമലനയനന്‍ വാണിടും
അവനെയറിയും മനുജരവന്
സ്നേഹമെന്നുപേരിടും
കനിവുനിറയും മനസ്സിനുള്ളില്‍
കമലനയനന്‍ വാണിടും
തന്നുടലുയിര്‍ സകലമീശന്റെ
പൊന്നടികളില്‍ ചേര്‍ത്തിടും
ആ....ആ......
ധന്യപാദങ്ങള്‍ സേവചെയ്‌വതെ
പുണ്യമെന്തിതിന്‍ മീതെയാം
കനിവുനിറയും മനസ്സിനുള്ളില്‍
കമലനയനന്‍ വാണിടും
താര്‍മകള്‍ വന്നുമാറില്‍ അര്‍പ്പിച്ച
കോമളപ്രേമമാല്യവും
അന്നുകോപിച്ചു മണ്ണുതിന്നുമ്പോള്‍
അമ്മചാര്‍ത്തിയ പാശവും
ഭക്തനേകുമീ പാശമാര്‍ന്നിടും
സക്തിനേടുകിലെന്നുമേ
കനിവുനിറയും മനസ്സിനുള്ളില്‍
കമലനയനന്‍ വാണിടും
സ്നേഹമാണു സാരമുലകില്‍
സ്നേഹമാണു ദൈവതം
കനിവുനിറയും മനസ്സിനുള്ളില്‍
കമലനയനന്‍ വാണിടും

Song video

Watch on YouTube

Song details

വർഷം: 1961

സംഗീതം: ബ്രദർ ലക്ഷ്മണൻ

ഗാനരചന: തിരുനയിനാർകുറിച്ചി മാധവൻ നായർ

ഗായകർ: പി ലീല, എ പി കോമള

രാഗം: ആരഭി

വർഗ്ഗീകരണം: കൃഷ്ണ ഭക്തിഗാനങ്ങൾ

അഭിനേതാക്കൾ: കാന്തറാവു, മിസ് കുമാരി

വിശദവിവരങ്ങൾ: ദേവിപിള്ള

വിഡിയോ: ഗാനസ്നേഹി

Album: ഭക്തകുചേല