Malayalam lyrics

ഇനിയാരെത്തിരയുന്നു കുരുവിക്കുഞ്ഞെ
ഇരുളിന്റെ വിരിമാറില്‍ ഇണപോയി മറഞ്ഞല്ലോ
ഇനിയാരെത്തിരയുന്നു കുരുവിക്കുഞ്ഞേ
വരില്ലിനി വരില്ലിനി വസന്തത്തില്‍ നിന്‍ മുന്‍പില്‍
സ്വരരാഗസുധതൂകും ഹൃദയനാഥന്‍
ഇന്നോളം തണല്‍തന്ന പ്രണയത്തിന്‍ മലര്‍വനം
ഇടിവെട്ടിക്കരിഞ്ഞല്ലോ ചെറുകൂടും തകര്‍ന്നല്ലോ
ഇനിയാരെ.........
ഇനിയൊരിക്കലും നിന്റെ മനതാരിന്‍ മാനത്തില്‍
അനുരാഗമാരിവില്ലു തെളിയില്ലല്ലൊ
കിനാവിന്റെ യമുനയില്‍ കളിത്തോണി മറിഞ്ഞല്ലോ
കരയില്‍നിന്നിനിയെന്തെ കരള്‍പൊട്ടിക്കരയുന്നു?
ഇനിയാരെ..........

Song video

Watch on YouTube

Song details

വർഷം: 1963

സംഗീതം: എം എസ്‌ ബാബുരാജ്‌

ഗാനരചന: പി ഭാസ്കരൻ

ഗായകർ: പി ലീല

വരികൾ: ശ്രീദേവി

Album: നിണമണിഞ്ഞ കാൽപ്പാടുകൾ