Malayalam lyrics

അണിയമ്പൂ മുറ്റത്ത്
വളർമാവിൻ കൊമ്പത്ത്
ഇണമുണ്ടും തോരയിടുന്നു
പൂമ്പുലരി പെണ്ണാള്
മാനത്തെ കടവിൽ മരതകപ്പടവിൽ
നിറമുള്ള നിഴലായ് മറയുന്നതാര്
ഉം..ഉം..ഉം
(അണിയമ്പൂ...)
ഓ..ഓ..മുകിലിൻ തട്ടകത്തിൽ മുടി മിനുക്കം
കടലിൻ പെട്ടകത്തിൽ കണ്മഷിത്തിളക്കം
ഓ..കിളി തൻ കൊഞ്ചലിലാ വള കിലുക്കം
പുഴ തൻ പുഞ്ചിരിയിൽ കാൽത്തള ഇളക്കം
മധുരം മറന്നാൽ പോലും
തേനേ നീ അവളോട് മൊഴി ചോദിക്കൂ
ആരോ ഇളം കാറ്റു പോലെ
(അണിയമ്പൂ...)
ഓ..ഒരു നാൾ ഞാൻ അവൾക്ക് താലി കെട്ടും
ഹൃദയം വാർമുടിയിൽ താമരയാക്കും
ഓ..പനിനീർ ചെമ്പകത്തിൽ പായ് വിരിക്കും
പവിഴം കൊണ്ടവൾക്ക് പടിപ്പുര തീർക്കും
മിഴികൾ തളരും നേരം
മാനേ നീയവളോടു മഷി ചോദിക്കൂ
ആരോ ഇളം കാറ്റു പോലെ
(അണിയമ്പൂ...)

Song details

വർഷം: 2000

സംഗീതം: ഔസേപ്പച്ചൻ

ഗാനരചന: എസ്‌ രമേശൻ നായർ

ഗായകർ: എം ജി ശ്രീകുമാർ, സന്തോഷ്‌ കേശവ്‌

അഭിനേതാക്കൾ: ദിലീപ്, വിനീത്, കാവ്യ മാധവൻ

വിശദവിവരങ്ങൾ: ദിലീപ് സി എസ്

വിഡിയോ: ഗാനസ്നേഹി

Album: ഡാർലിംഗ്‌ ഡാർലിംഗ്‌