Malayalam lyrics

ഹൃദയത്തിൻ ചന്ദനച്ചിതയിൽ നിന്നും
സ്വർണ്ണച്ചിറകാർന്നുയിർക്കുമെൻ സ്വപ്നങ്ങളേ
സ്വന്തം  ചിതയിൽ നിന്നുയിർക്കുമെൻ സ്വപ്നങ്ങളേ
സ്വാഗതം നിങ്ങൾക്ക് സ്വാഗതം
ആരോ കല്ലെറിഞ്ഞകലെ പറന്നു പോയൊരാ
യിരം കിളികൾ തിരികെ വന്നൂ എന്റെ
ആലിന്റെ ചില്ലയിൽ താണിരുന്നു
എന്റെ മനസ്സിന്റെയാശാതലങ്ങളിൽ
ഇന്നെന്തു വർണ്ണജാലം
വാസന്ത വർണ്ണജാലം

മണ്ണിന്റെയാത്മാവിൻ സ്വർണ്ണമുരുകി വാർന്നു
മഞ്ഞവെയിലായൊഴുകി വന്നൂ
എന്റെ കൊന്നയിലായിരം പൂ വിടർന്നു
എന്റെ മനസ്സിലും കുങ്കുമം തൂവുന്നു
സന്ധ്യ തൻ സ്വർണ്ണതാലം
ഉഷഃസന്ധ്യ തൻ സ്വർണ്ണതാലം

Song information

Lyricist: ഒ എൻ വി കുറുപ്പ്

Film/album: ലളിതഗാനങ്ങൾ

Explore this song