Malayalam lyrics

ശാന്തി ചൊല്ലുവാൻ ആരുമില്ല
സാന്ത്വനം മൊഴി തരികയില്ല
സ്നേഹമനുദിനം അകലുകയായ്
ബന്ധങ്ങളാകെയും ബന്ധനത്തുടലിലായ്
ശാന്തി ചൊല്ലുവാൻ ആരുമില്ല
സാന്ത്വനം മൊഴി തരികയില്ല
ജീവിതമൊരു കടംകഥയെറിഞ്ഞാൽ
നാമതിനാദ്യമേ കടം പറഞ്ഞാൽ
വേദനയുടെ കലവറ തുറക്കും
വേറൊരു തടവറയായിരിക്കും
ആവില്ലിതല്ലാതെ വിധിയെഴുതാം
സമയം കാത്തുനില്ക്കാതെ കടന്നുപോകും
പൊള്ളവാക്കും പോയനാളും
കൈവിട്ടൊരായുധം പോലെയാകും
ശാന്തി ചൊല്ലുവാൻ ആരുമില്ല
സാന്ത്വനം മൊഴി തരികയില്ല
ജീവിതമൊരു നിധി നൽകിയെന്നാൽ
നാമതിൻ നന്മകൾ മറന്നുപോയാൽ
ഉള്ളിൽ അഹന്തകൾ വന്നുചേരും
ഉള്ള മനോസുഖം പോയ് മറയും
ആ വില്ലൊരേലസ്സായ് അതു തടയാൻ
അഭയം നൽകുവാൻ അയലുമില്ലാതെയാകും
ശാശ്വതമാം മൂല്യമെല്ലാം
ഒരു മഞ്ഞുതുള്ളിപോൽ അലിഞ്ഞു തീരും
ശാന്തി ചൊല്ലുവാൻ ആരുമില്ല
സാന്ത്വനം മൊഴി തരികയില്ല
സ്നേഹമനുദിനം അകലുകയായ്
ബന്ധങ്ങളാകെയും ബന്ധനത്തുടലിലായ്
ശാന്തി ചൊല്ലുവാൻ ആരുമില്ല
സാന്ത്വനം മൊഴി തരികയില്ല

Song video

Watch on YouTube

Song information

Music: രവീന്ദ്രൻ

Lyricist: വെള്ളനാട് നാരായണൻ

Singer: എം ജി ശ്രീകുമാർ

Film/album: ഒരു മഞ്ഞുതുള്ളി പോലെ

Explore this song