Malayalam lyrics

മൈലാഞ്ചിച്ചൊടികളില്‍ കെസ്സും പാടി
മയ്യേലും മിഴികളില്‍ നൊസ്സും തേടി
പകല്‍ക്കിനാവിന്റെ മഞ്ചലില്‍
പദസരങ്ങടെ കൊഞ്ചലില്‍
അരികിലായ് ഒരു പെണ്‍കൊടി
വരികയായ് മണിപ്പൈങ്കിളി

മൊഞ്ചേളും മൊഴികളില്‍ മൂളിക്കോളീ
പഞ്ചാരപ്പായസം മോന്തിക്കോളീ
ഖല്‍ബിനവുത്തൊരു പമ്പരം
കറങ്ങിനടക്കണ നൊമ്പരം
അറിയണാ ഇങ്ങളറിയണാ
ബലിയമനസൊള്ള മനുസനല്ലേ

റാകിപ്പറക്കണ ചെമ്പരുന്തായെന്റെ നെഞ്ചുതുടിക്കുമ്പം
ആരമ്പച്ചേലൊത്ത മാരനോടൊപ്പം മുട്ടിനടന്നോട്ടെ
അകം നിറയേ മോഹം തെയ്യം തുള്ളുമ്പം
ചുണ്ടത്തെ ചിന്തൂരച്ചെപ്പില്‍നിന്നിത്തിരി ചുംബിച്ചെടുത്തോട്ടെ
ഉച്ചക്കിറുക്കും പറഞ്ഞുപറഞ്ഞെന്നെ ബേജാറിലാക്കല്ലേ
ഉമ്മയറിഞ്ഞാലെന്റാപ്പീസും പൂട്ടും മുണ്ടാണ്ടിരുന്നോളീ

കല്ലായിത്തീരത്തെ കാറ്റിന്റെ തോളത്തൊരാകായക്കൊട്ടാരം
കൊട്ടാരക്കെട്ടിലെ തമ്പുരാട്ടിക്ക് സ്വപ്നംകൊണ്ടാറാട്ട്
മിനുങ്ങണല്ലാ കണ്ണില്‍ മിന്നാമിനുങ്ങ്
കിലുങ്ങണങ്ങനെ കിലുകിലുങ്ങനെ ചുണ്ടത്തു കെസ്സുകെട്ടായ്
മിന്നാമിനുങ്ങല്ല പെണ്ണിന്റെ കണ്ണിലെ ഞെക്കുവിളക്കാണ്
കെസ്സല്ലനൊസ്സാണ് വട്ടു കേസാണിതുച്ചപ്പിരാന്താണ്

Song video

Watch on YouTube

Song information

Music: ശ്യാം

Lyricist: ബിച്ചു തിരുമല

Singer: കെ ജെ യേശുദാസ്കെ എസ് ചിത്ര

Film/album: അങ്ങാടിക്കപ്പുറത്ത്

Explore this song