Malayalam lyrics

ഭൂമിയിലെ പുഷ്പകന്യകൾ സൗവർണ്ണ
സൂര്യരഥം കണ്ടുണരുമ്പോൾ
ചേതോഹരിയാം പതിറ്റടിപ്പൂവേ നീ
ഏതോ വിചാരത്തിൽ നിന്നൂ
മറ്റേതോ വിചാരത്തിൽ നിന്നൂ
അവളുടെ സീമന്തരേഖയിലൊരു നുള്ളു
കുങ്കുമം ചാർത്താൻ കൊതിച്ചു ദേവൻ
അനുരാഗ ദീപ്തനായി അഭിലാഷ് തപ്തനായ്
ഉണരാത്ത പൂവിനെ നോക്കി നിന്നൂ ഉള്ളിൽ
അരുതാത്ത നിനവുകൾ നീറി നിന്നൂ

ഒരു നെടുവീർപ്പിലൂടവളുടെ ഹൃദയത്തിൻ
പരിമളമല്ലീ ഒഴുകിടുന്നൂ
വിറ കൊള്ളുമധരപുടങ്ങളിലെന്തേയീ
വിധുരത തുള്ളിത്തുളുമ്പിടുന്നു പ്രേമ
വിധുരതയല്ലീ വിതുമ്പിടുന്നു

Song information

Lyricist: ഒ എൻ വി കുറുപ്പ്

Film/album: ലളിതഗാനങ്ങൾ

Explore this song