Malayalam lyrics

പറയൂ പനിനീർപ്പൂവേ നീ
പാടാൻ വന്നൊരു പാട്ടിന്നീണം
പതറുവതെന്തേ ചുണ്ടിൽ
ആരുടെയനുരാഗത്തിൻ മുന്തിരി
നീരു നുകർന്നു തുടുത്തു നീ
ആരെക്കാണാൻ പനിനീർപ്പൊയ്കയിൽ
മൂവുരു മുങ്ങിയുണർന്നു നീ
ഏകാന്തതയുടെ കോവിലിലാരെ
ധ്യാനിച്ചിങ്ങനെ നില്പൂ നീ
ഏതൊരു പള്ളിത്തേരൊലി കേൾക്കാൻ
കാതോർത്തിങ്ങനെ നില്പൂ നീ
കണ്ണീർകണികകളാലേ മാത്രകളെണ്ണിയിരിപ്പൂ  നീ
കരൾത്തുടിപ്പുകളാലെ രാവിൻ
വാതിലിൻ മുട്ടി വിളിപ്പൂ നീ

Song information

Music: ജി ദേവരാജൻ

Lyricist: ഒ എൻ വി കുറുപ്പ്

Film/album: ലളിതഗാനങ്ങൾ

Explore this song