Malayalam lyrics

പ്രവാഹമേ... ഗംഗാപ്രവാഹമേ... 
സ്വരരാഗഗംഗാപ്രവാഹമേ 
സ്വർഗ്ഗീയ സായൂജ്യസാരമേ 
നിൻ സ്നേഹഭിക്ഷക്കായ് 
നീറിനിൽക്കും തുളസീദളമാണു ഞാൻ, 
കൃഷ്ണ- തുളസീദളമാണു ഞാൻ... (സ്വരരാഗ...) 
നിന്നെയുമെന്നെയുമൊന്നിച്ചിണക്കി 
നിരുപമനാദത്തിൻ ലോലതന്തു 
നിൻ ഹാസരശ്‌മിയിൽ മാണിക്യമായ് മാറി 
ഞാനെന്ന നീഹാരബിന്ദു.... (സ്വരരാഗ...) 
ആത്മാവിൽ നിൻ രാഗസ്‌പന്ദനമില്ലെങ്കിൽ 
ഈ വിശ്വം ചേതനാശൂന്യമല്ലോ.. 
എൻ വഴിത്താ‍രയിൽ ദീപം കൊളുത്തുവാൻ 
നീ ചൂടും കോടീരമില്ലേ.... (സ്വരരാഗ...)

Song video

Watch on YouTube

Song information

Music: ബോംബെ രവി

Lyricist: യൂസഫലി കേച്ചേരി

Singer: കെ ജെ യേശുദാസ്

Raaga: ശുദ്ധധന്യാസി

Film/album: സർഗം

Explore this song