Malayalam lyrics

കൺ മുനപൂവുകളാൽ പൂജിച്ചിരുന്നൊരു
കന്യക തൻ സ്വർണ്ണ വിഗ്രഹത്തിൽ
ഇന്നലെ രാത്രിയിൽ
മംഗല്യരാത്രിയിൽ
ചന്ദനമുഴുക്കാപ്പ് ചാർത്തീ
പൂജാരീ
ചന്ദനമുഴുക്കാപ്പ് ചാർത്തീ
ആയിരം വസന്തത്തിൻ മാദകപരിമളം
ആ മനീക്കോവിലിൽ തിങ്ങീ
മന്ദ്രമധുരമോരോ മന്ത്രങ്ങളുയർന്നപ്പോൾ
മന്ദഹസിച്ചുവോ ദേവീ ഒന്നു
മന്ദഹസിച്ചുവോ ദേവീ

ദീപങ്ങളണഞ്ഞപ്പോൾ മായാത്ത ദീപമായി
ദേവി തൻ ബിംബം തിളങ്ങീ
താമരയിതൾ നീട്ടി തേനല്ല തീർത്ഥമല്ല
രോമഹർഷങ്ങൾ പകർന്നൂ മായാത്ത
രോമഹർഷങ്ങൾ പകർന്നൂ

Song information

Lyricist: ഒ എൻ വി കുറുപ്പ്

Film/album: ലളിതഗാനങ്ങൾ

Explore this song