Malayalam lyrics

ഓണവില്ലിൽ താളമിട്ടു പാടുക നാം വീണ്ടും
ഓർമ്മകളിൽ വാഴുമൊരു മന്നവനെപ്പറ്റി
ചന്ദനമെതിയടി തൻ നാദമുണ്ടോ കേൾപ്പൂ
മന്നവൻ വരുമെന്നോർത്തു നാമിരിപ്പൂ
പുതുവിതയ്ക്ക് കന്നിവയലുഴുതൊരുക്കും പോലെ
പുതിയ ഞാൺ മുറുക്കി ഞങ്ങൾ ഓണവില്ലു തീർത്തു
ഭൂമുഖത്തു നൂറു നൂറു തിരുവരങ്ങൊരുക്കീ
ഭൂമി പേറ്റോരുണ്ണികൾക്ക് തുയിലുണർത്ത് പാടീ
തുയിലുണരൂ വേഗം
കുയിൽ മൊഴികൾ പാടി

മന്ത്രമദ്ധ്യതാരമധുരശ്രുതികൾ മാറി മാറി
മന്നിൽ ഞങ്ങൾ പാടുമോണപ്പാട്ടുകളെന്നാളും
പോയ് മറഞ്ഞ നന്മകൾക്ക് പൂത്തടുക്കുമായ്
മാമലകൾ താഴ്വരകൾ തൊഴുതുണർന്നു പാടും
പുലരൊളിയായ് പോരൂ
കിളിമകളേ പാടാം

Song information

Music: ജി ദേവരാജൻ

Lyricist: ഒ എൻ വി കുറുപ്പ്

Film/album: ലളിതഗാനങ്ങൾ

Explore this song