Malayalam lyrics

ഒരു പൊൻ കിനാവിലേതോ
കിളി പാടും കളഗാനം
നറുവെണ്ണിലാവിനീറൻ
മിഴി ചാർത്തും ലയഭാവം
ചിരകാലമെന്റെയുള്ളിൽ
വിടരാതിരുന്ന പൂവേ ഈ
പരിഭവം പോലുമെന്നിൽ
സുഖം തരും കവിതയായ് (ഒരു...)
ഒരു വെൺപിറാവു കുറുകും
നെഞ്ചിൻ ചില്ലയിൽ
കുളിർമഞ്ഞണിഞ്ഞു കുതിരും
കാറ്റിൻ മർമ്മരം
കുറുമൊഴികളിൽ നീ തൂകുന്നുവോ
പുതുമഴയുടെ താളം
കളമൊഴികളിൽ നീ ചൂടുന്നുവോ
കടലലയുടെയീണം
ഇനിയുമീയെന്നെയാലോലം തലോടുന്നുവോ നിൻ നാണം (ഒരു..)
ഒരു മൺചെരാതിലെരിയും
കനിവിൻ നാളമായ്
ഇനി നിന്റെ നോവിലലിയും
ഞാനോ സൗമ്യമായ്
കതിർ മണികളുമായ് നീ വന്നതെൻ
കനവരുളിയ കൂട്ടിൽ
മധുമൊഴികളുമായി നിന്നതെൻ
മനമുരുകിയ പാട്ടിൽ
പുലരിയായ് നിന്റെ പൂമെയ്യിൽ മയങ്ങുന്നുവോ ഞാൻ (ഒരു..)
----------------------------------------------------------------------------

Song information

Music: മോഹൻ സിത്താര

Lyricist: ഗിരീഷ് പുത്തഞ്ചേരി

Singer: കെ ജെ യേശുദാസ്

Film/album: ജോർജ്ജുട്ടി C/O ജോർജ്ജുട്ടി

Explore this song