Malayalam lyrics

ഒരു കുമ്പിൾപ്പൂമണം നേദിക്കയല്ലാതെ
ഒരു പനിനീർപൂവെന്തു ചെയ്യാൻ
കരൾ നൊന്തു മധുരമായ് പാടുകയല്ലാതെ
ഒരു വാനമ്പാടി മറ്റെന്തു ചെയ്യാൻ

മണ്ണിന്റെയാത്മാവിൽ സ്വർണ്ണമുരുകി
മഞ്ഞവെയിലായ് ഒഴുകുമ്പോൾ
പിന്നെയാ സന്ധ്യ തൻ താലങ്ങളിൽ നിന്നു
കുങ്കുമപ്പൂവുതിരുമ്പോൾ
മുന്നിൽ വിടരും അനന്ത സൗന്ദര്യമേ
എന്റെ നമോവാകം
(ഒരു കുമ്പിൾ...)

അജ്ഞാതഗന്ധരവഗാനമുണർത്തുമൊ
രപ്സരസ്സായ് ഭൂമി നിൽക്കുമ്പോൾ
മഞ്ഞണിരാവിലൊരേഴിലപാല പോൽ
വിണ്ടലം പൂവണിയുമ്പോൾ
കണ്ണിലുണരും അഭൗമലാവണ്യമേ
എന്റെ നമോവാകം
(ഒരു കുമ്പിൾ...)

Song information

Music: കെ രാഘവൻ

Lyricist: ഒ എൻ വി കുറുപ്പ്

Film/album: ലളിതഗാനങ്ങൾ

Explore this song