Malayalam lyrics

ഏതോ കഥയിലെ പെൺ കിടാവേ നിന്നെ
സ്നേഹിച്ച രാജകുമാരൻ ഞാൻ
കാലിൽ നിന്നൂർന്ന നിൻ പൊൻ പാദുകവുമായ്
കാലത്തിൻ വീഥിയിലൂടെ വന്നു
കാണാൻ വീണ്ടും വന്നു
മുന്നിൽ നവരത്നശോഭമാകും മലർ
ക്കംബളം നീർത്ത വഴിയിലൂടെ
പോയ ജന്മത്തിലെ കാമുകീകാമുകർ
പോലെ നാം കൈകോർത്തു പാടുന്നു
വനദേവത പൂമഴ പെയ്യുന്നു

ഇന്നും സമയതീരങ്ങളിൽ നാമിരു
സന്ധ്യകൾ തന്നിടവേളകളിൽ
രണ്ടു പൈതങ്ങളെപ്പോലെ കളിക്കുന്നു
മണ്ണിൽ കളിവീടു വെയ്ക്കുന്നു
പാവക്കുഞ്ഞിനെ പാടിയുറക്കുന്നു

Song information

Lyricist: ഒ എൻ വി കുറുപ്പ്

Film/album: ലളിതഗാനങ്ങൾ

Explore this song