Malayalam lyrics

എന്റെ മനോഹരസന്ധ്യകളിതു വഴി
എന്നും പറന്നു മായും
എന്റെ ദുഃഖം പോലെ അകലേ
അന്തിത്താരവുമണയും
പാടിപ്പോവത് പറവകളല്ലെൻ
വിഷാദരാഗങ്ങൾ
പൊന്നിൻ പുടവയുടുത്തൊരുഷസ്സായ്
വന്നൂ ശ്രാവണമിതിലേ
പൂവിളി കൂട്ടി പൂപ്പട കൂട്ടീ
കാവുകൾ തോറുമലഞ്ഞൂ
ഇളവെയിൽ മഞ്ഞത്തുമ്പികളെപ്പോൽ
ഇതു വഴി പോയ് മറഞ്ഞൂ

സ്വർണ്ണവിഭൂഷകൾ മെയ്യിൽ ചാർത്തിയ
സന്ധ്യയുമിതു വഴി വന്നൂ
സാദരമവളെ മഞ്ചലിലേറ്റി
സാഗരവീചികൾ പോയി
കരയിലടിഞ്ഞൊരു ശംഖ് കണക്കെ
കരയുകയാണെൻ ഹൃദയം

Song information

Music: കെ രാഘവൻ

Lyricist: ഒ എൻ വി കുറുപ്പ്

Film/album: ലളിതഗാനങ്ങൾ

Explore this song