Malayalam lyrics

അല്ലിമുല്ലക്കാവുകളിൽ
നെയ്ത്തിരി കൊളുത്താൻ
നല്ല പെണ്ണേ നാത്തൂനാരേ
പാൽക്കുടവുമായ് വാ
തുള്ളി തുള്ളി തുള്ളികളായ് പാൽക്കുടം തുളുമ്പീ
മണ്ണിൽ വീണ തുള്ളിയെല്ലാം തുമ്പമലരായീ
നല്ല പെണ്ണേ വാ
നാത്തൂനാരേ വാ

ഓടിയോടിയോടിയെന്റെ കൂടെയാരേ വന്നു
ഓമനത്തിങ്കൾക്കിടാവ് വന്നൂ
ഒന്നു നിന്നാൽ കൂടെ നിൽക്കും
എന്നെ നോക്കി പൂവെറിയും
എന്നോടെന്തിഷ്ടമാണെന്നോ

നല്ല പൂന്തേൻ ചൊല്ലുമായെൻ കൂടെയാരേ വന്നു
നല്ലോണത്തുമ്പിക്കിടാവ് വന്നു
നിന്റെ കൂടെയാരു വന്നു
കുഞ്നുകാറ്റും കുളിർ നിലാവും
എന്നെന്നും ഓണമായെങ്കിൽ

Song information

Music: കെ രാഘവൻ

Lyricist: ഒ എൻ വി കുറുപ്പ്

Film/album: ലളിതഗാനങ്ങൾ

Explore this song