Malayalam lyrics

വേളികഴിഞ്ഞൊരു നാളിൽ ചാർത്തിയ താലിനൂലിലെ സ്വപ്നങ്ങൾ
കോലമാടിയ വർണ്ണ കാവടി പീലിപോലെ കൊഴിഞ്ഞുപോയ്‌.....
വേളികഴിഞ്ഞൊരു നാളിൽ ചാർത്തിയ താലിനൂലിലെ സ്വപ്നങ്ങൾ....
ഈണമായ്‌ പാടുവാൻ വീണമുറുക്കി ഞാൻ
ഗാനമൊരുക്കി ഞാൻ.....
(ഈണമായ്‌ പാടുവാൻ.....)
രാഗം പിഴച്ചുപോയ്‌ ഗാനം നിലച്ചുപോയ്‌
വീണയും വീണു തകർന്നു
വീണയും.... വീണു.. തകർന്നു....
വേളികഴിഞ്ഞൊരു നാളിൽ ചാർത്തിയ താലിനൂലിലെ സ്വപ്നങ്ങൾ
ആശ തകർന്നൊരഹല്യപോലെ
അനശ്വരശിലയായ്‌ ഉറങ്ങിയെങ്കിൽ
(ആശ തകർന്നൊരഹല്യപോലെ....)
വരുമൊരു യുഗത്തിലെ ശ്രീരാമദേവന്റെ
കാൽത്തളിർ തട്ടി ഞാൻ ഉണർന്നുവെങ്കില്‍
കാൽത്തളിർ തട്ടി ഞാൻ...... ഉണർന്നുവെങ്കില്‍......
വേളികഴിഞ്ഞൊരു നാളിൽ ചാർത്തിയ താലിനൂലിലെ സ്വപ്നങ്ങൾ

Song video

Watch on YouTube

Song details

വർഷം: 1978

സംഗീതം: എം എസ്‌ ബാബുരാജ്‌

ഗാനരചന: നാട്ടിക ശിവറാം

ഗായകർ: എസ് ജാനകി

വരികൾ: ജയലക്ഷ്മി രവി

Album: ഭ്രഷ്ട്

Malayalam