Malayalam lyrics

താളമായ് വരൂ മേളമായ് വരൂ
കേളിയാടുമെൻ ജീവശാഖി തൻ താളം മേളം
ലോലചാമരം വീശി വീശി വാ
പീലി ചൂടി വാ കേളിയാടി വാ (താളമായ്...)
താരുണർന്നുവോ തളിരുലഞ്ഞുവോ
താണുയർന്നിടും തരളമാം പദം
ചതുരംഗമാടുമേതോ
ചലനങ്ങൾ പൂത്ത പോലെ
താളം മേളം
കാറ്റേ ഇതിലെ (താളമായ്...)
സൂര്യകാന്തികൾ ഇതൾ വിടർന്നുവോ
മാരിവില്ലിലെ മണികളൂർന്നുവോ
കതിർ കണ്ടുണർന്ന മാനം
കനകാംബരങ്ങൾ കോർത്തു
വാനം ഓളം
തുള്ളും തുടിയായ് (താളമായ്...)

Song video

Watch on YouTube

Song details

വർഷം: 1984

സംഗീതം: ജോൺസൺ

ഗാനരചന: ഓ എൻ വി കുറുപ്പ്

ഗായകർ: എസ് ജാനകി, കോറസ്

വിശദവിവരങ്ങൾ: സണ്ണി ജോസഫ്

Album: പറന്ന് പറന്ന് പറന്ന്