Malayalam lyrics

സ്വർഗ്ഗസാഗരത്തിൽ നീരാടുമ്പൊഴും
സ്വപ്നമരാളങ്ങളേ നിങ്ങൾ
നിത്യ വസന്ത പൂവാടിയിലെൻ
ഇഷ്ടദേവനെ കണ്ടോ കണ്ടോ
(സ്വർഗ്ഗസാഗരത്തിൽ...)
മായാമധുര മനോഹരമാകും മാലിനീ തീരത്ത്
നാനാവർണ്ണവിഭൂഷിതനാമെൻ
മാനസചോരനിരിപ്പൂ
പോവുകയില്ലേ തവ സന്നിധിയിൽ ദൂതുമായി
മല്പ്രിയ തോഴീ തോഴീ
(സ്വർഗ്ഗസാഗരത്തിൽ...)

ദുഃഖശ്രുതികളിൽ ഉലയുകയല്ലോ
തപ്തമാം ഹൃദയ വിപഞ്ചി
സപ്തസ്വരലയ താളമൊഴുക്കിയതൊക്കെയും
നിൻ സ്മൃതി ലഹരി
എത്തുകയില്ലേ ഹംസരഥത്തിൽ
കൃഷ്ണനായ് മൽ പ്രിയ ദേവാ ദേവാ
(സ്വർഗ്ഗസാഗരത്തിൽ...)

Song details

Film/album: ലളിതഗാനങ്ങൾ