Malayalam lyrics

സൗപര്‍ണ്ണികാമൃതവീചികള്‍ പാടും
നിന്‍റെ സഹസ്രനാ‍മങ്ങള്‍
ജഗദംബികേ മൂകാംബികേ
സൗപര്‍ണ്ണികാമൃതവീചികള്‍ പാടും
നിന്‍റെ സഹസ്രനാ‍മങ്ങള്‍
പ്രാര്‍ത്ഥനാതീര്‍ത്ഥമാടും
എന്‍ മനം തേടും
നിന്‍റെ പാദാരവിന്ദങ്ങളമ്മേ
ജഗദംബികേ മൂകാംബികേ
കരിമഷി പടരുമീ കല്‍‌വിളക്കില്‍
കനകാംഗുരമായ് വിരിയേണം
നീ അന്തര്‍നാളമായ് തെളിയേണം
ആകാശമിരുളുന്നൊരപരാഹ്നമായി
ആരണ്യകങ്ങളില്‍ കാലിടറി
കൈവല്യദായികേ സര്‍വ്വാര്‍ത്ഥസാധികേ
ആമ്മേ.... സുരവന്ദിതേ...
(സൗപര്‍ണ്ണികാമൃത)
സ്വരദലം കൊഴിയുമീ മണ്‍‌വീണയില്‍
താരസ്വരമായ് ഉണരേണം
നീ താരാപഥങ്ങളില്‍ നിറയേണം
ഗാനങ്ങള്‍ ചിറകറ്റ ശലഭങ്ങളായി
ഗഗനം മഹാമൗനഗേഹമായി
നാദസ്വരൂപിണീ കാവ്യവിനോദിനീ
ദേവീ... ഭുവനേശ്വരീ...
(സൗപര്‍ണ്ണികാമൃത)

Song video

Watch on YouTube

Song details

വർഷം: 1991

സംഗീതം: രവീന്ദ്രൻ

ഗാനരചന: കെ ജയകുമാർ

ഗായകർ: മിന്മിനി ജോയ്

രാഗം: ശുദ്ധധന്യാസി

ഹിന്ദുസ്ഥാനി രാഗം: മധുരഞ്ജനി

വിശദവിവരങ്ങൾ: ശ്രീ, Dec 22 2006 nair-kv

Album: കിഴക്കുണരും പക്ഷി