Malayalam lyrics

പനിനീർ മാരിയിൽ തനു കുളിരും രാത്രിയിൽ
അകതളിരിലിന്നു മോഹമഞ്ജരി
അരികിലണയാതെ ഇന്നു പോയി നീ
പുളകം പൂത്തൊരെൻ മനമുണരും മാത്രയിൽ
മധു പകരുവാനെന്നിലില്ലയോ
മൃദുല ലയ തന്ത്രി മീട്ടുകില്ലയോ
(പനിനീർ മാരിയിൽ.....)
ഏകാന്തരാവിലെൻ ഹൃദയ മൃദു ജാലകം
മെല്ലെ തുറന്നു നീ വരില്ലയോ സഖീ (2)
ധനുമാസ മാരുതൻ പ്രണയശുഭ ദൂതുമായ്
വന്നുവോ ചൊല്ലിയോ മറുവാക്കു മിണ്ടിയോ (2)
(പനിനീർ മാരിയിൽ.....)
ശാലീന പൗർണ്ണമി ചിരി തൂകി നിൽക്കവേ
ശാരികേ നിൻ മുഖേന്ദു കണ്ടിടുന്നു ഞാൻ (2)
പരിഭവം മായുവാൻ തണുവിരൽ തഴുകിടാം
പോരുമോ ചാരെ നീ ആദ്യാനുരാഗമേ (2)
(പനിനീർ മാരിയിൽ.....)

Song details

വർഷം: 1998

സംഗീതം: എം ജി രാധാകൃഷ്ണൻ

ഗാനരചന: ഗിരീഷ് പുത്തഞ്ചേരി

ഗായകർ: സുദീപ് കുമാർ, രാധിക തിലക്

വരികൾ: ജിജാ സുബ്രമണ്യൻ

Album: രക്തസാക്ഷികൾ സിന്ദാബാദ്‌