പാലപ്പൂവേ

Malayalam lyrics

ആ...ആ..ആ
പാലപ്പൂവേ നിൻ തിരു മംഗല്യത്താലി തരൂ
മകര നിലാവേ നീയെൻ നീഹാരക്കോടി തരൂ (2)
കാണാതെ വിണ്ണിതളായ് മറയും മന്മഥനെന്നുള്ളിൽ
കൊടിയേറിയ ചന്ദ്രോത്സവമായ് (പാലപ്പൂവേ..)
മുത്തിന്നുള്ളിലൊതുങ്ങും പൂമാരൻ
കന്നിക്കൈകളിലേകി നവലോകങ്ങൾ (2)
ആയിരം സിരകളുണർന്ന വിലാസ
ഭാവമായ് വിരഹിണീ വിധുവായ്
ഞാനൊഴുകുമ്പോൾ താരിളകുമ്പോൾ (2)
രാവിലുണർന്ന വിലോലതയിൽ
ഗാന്ധർവ്വ വേളയായ് (പാലപ്പൂവേ...)
നീലക്കാർമുകിലോരം വിളയാടുമ്പോൾ
മല്ലിപ്പൂമ്പുഴയോരം കളിയാടുമ്പോൾ (2)
മാനസം മൃദുല വസന്തമയൂരനടകളിൽ
തെല്ലിളം തുടിയായ്
പദമണിയുമ്പോൾ കാവുണരുമ്പോൾ (2)
മുത്തിളകുന്ന മനോലതയിൽ
ഗന്ധർവ്വ രാഗമായ് (പാല...)

Song video

Watch on YouTube