Malayalam lyrics

ഒരു പൂവിൻ നറുമണം എത്ര നേരം

ഒരു പാട്ടിൻ സ്വരസുഖമെത്ര നേരം

പൂവു കൊഴിഞ്ഞാലും

പാട്ടു കഴിഞ്ഞാലും

ജീവിക്കുമോർമ്മകളിൽ ഈ

പാവം മനസ്സിന്റെ ഓർമ്മകളിൽ (ഒരു പൂവിൻ...)
ഈ വഴിയോരത്തൊരാലിൻ ചുവട്ടിൽ നാം

രാവിൽ തളർന്നിരുന്നു

പാണികൾ കോർത്തു പുണർന്നിരുന്നു

പ്രണയാതുരരായിരുന്നു രാവൊരു

ഗാനമായൊഴുകി മാഞ്ഞു (ഒരു പൂവിൻ...)

ആദ്യം നുകർന്നൊരു പൂവിൻ സുഗന്ധവും

പാട്ടിൻ മധുരിമയും

നിന്നെക്കുറിച്ചുള്ളോരോർമ്മകളും എന്നും

എന്നിലെയസ്വാസ്ഥ്യമായി പിന്നെയൊ

രുന്മാദ ലഹരിയായ്  (ഒരു പൂവിൻ...)

--------------------------------------------------------------

Song details

Music: വിദ്യാധരൻ

Film/album: ഓർമ്മക്കുറിപ്പ്