Murukiya Izhakalil / മുറുകിയ ഇഴകളിൽ

Malayalam lyrics

മുറുകിയ ഇഴകളിൽ തുളുമ്പുന്ന രാഗം
കേട്ടിന്നും ഞാനൊരു പ്രണയക്കലയായ്
ചഷകവും ചഷകവും ഇടയുന്ന നാദം
കേട്ടിന്നും ഞാനൊരു മുന്തിരിമലരായ്
മദലയം പകരും
ഈ ചിരികളിൽ മൊഴികളിൽ വൈനിന്റെ കണികകൾ
(മുറുകിയ ഇഴകളിൽ..)
പല താളമിതിൽ ഇളകുന്ന ലഹരി തൻ ചുവടുകൾ
ഒരു രാവിൻ ദാഹം മുഴുവനുമൊതുങ്ങുന്ന നയനങ്ങളേ
സിര തോറും ഇരുമധുരങ്ങൾ വിതരുന്ന അഴകുകളേ
നൈലിന്റെ ദാഹം ഇഴയുന്ന കരളിലെ കണികയിതാ
(മുറുകിയ ഇഴകളിൽ..)
ഒരു മേനിയായ് പിണയുന്ന പ്രിയമുള്ള നിഴലുകളേ
മനസ്സിന്റെ മൗനം തഴുകുന്ന വിറകൊള്ളും വിരലുകളേ
രഹസ്യങ്ങൽ ചൊല്ലി അണയുന്ന നിറമുള്ള നിമിഷങ്ങളേ
നൈലിന്റെ ദാഹം പുളയുന്ന രജനി തൻ വചനമിതാ
(മുറുകിയ ഇഴകളിൽ..)