Malayalam lyrics

മാനവഹൃദയം ഭ്രാന്താലയം
മാറാത്തരോഗത്തിന്‍ നൃത്താലയം
ഓരോ വികാരവുമോരോ ഭ്രാന്തന്‍
ഓടിയലഞ്ഞുമരിക്കും പാന്ഥന്‍ ‍
അതിരുകള്‍ കാണാത്ത ഭൂമി
അതിലൊരു ബിന്ദുവാം മനുഷ്യന്‍ ‍
ജീവിതമെന്നൊരു വ്യാമോഹസ്വപ്നത്തെ
തേടുന്നു നിദ്രയ്ക്കുമുന്‍പേ -പാവം
തേടുന്നു നിദ്രയ്ക്കുമുന്‍പേ
വ്യര്‍ഥം ഈ വഴിയാത്ര....
കാല്‍ വരി വീണ്ടും നിറഞ്ഞു
കരുണയോ കുരിശില്‍ പിടഞ്ഞു
പാപം ചെയ്യുന്ന സാമൂഹ്യദൈവങ്ങള്‍
പാപിയെക്കല്ലെറിഞ്ഞൂ ഈ
പാപിയെക്കല്ലെറിഞ്ഞു
വ്യര്‍ഥം ഈ മൂഢസ്വര്‍ഗ്ഗം

Song video

Watch on YouTube

Song details

വർഷം: 1972

സംഗീതം: കെ രാഘവൻ

ഗാനരചന: ശ്രീകുമാരൻ തമ്പി

ഗായകർ: പി ജയചന്ദ്രൻ

വരികൾ: ശ്രീദേവി, സംശയാലു

യൂട്യൂബ് ഓഡിയോ: രാല രാജൻ

Album: അനന്തശയനം