Akatharile mazha / അകതാരിലെ മഴ

Malayalam lyrics

അകതാരിലെ മഴ വാർന്നുപോയി
അനുരാഗമായി നിന്നു.
പ്രിയമാർന്നോരെൻ പകലാഴമായി
മറയുന്നു മിഴി താണ്ടി
അനുയാത്ര തൻ ശ്രുതി മായുമീ
കരൾ, വീണയായിതാ.....
അറിയാത്തൊരു മഴ പെയ്യുമാ
ഇടനാഴിയിൽ ഇഴുകീ...
(അകതാരിലെ മഴ വാർന്നു പോയി )
കൊഴിയുവതെന്തോ..? കവിതയാം ഞാനോ...?
മിഴികളിൽ ഈണം മൂളും പോലെ
അകയിതൾ വാടി വിടപറയുമ്പോൾ
പറയാതൊഴുകും പുഴയായി നാമും.
കാണാപാഠങ്ങൾ കാറ്റിൽ പാറുമ്പോൾ
നെഞ്ചിൻ പെയ്തിന്നുമോർക്കുന്നു ഞാൻ
ഇന്നീ മോഹങ്ങൾ എന്നിൽ പൂക്കുമ്പോൾ
ഉള്ളിൽ എന്നെന്നും നീ ദേവതേ...
(അകതാരിലെ മഴ വാർന്നു പോയി )
വിടപറയുന്നു വിധുരയാം വാനം
കടലതിലോളം മായും പോലെ
മധുമതി രാവിൽ ഒടി മറയുമ്പോൾ
വിരഹിണിയാകും വിധുവിനി ഇരവിൽ
ഏതോ മൗനങ്ങൾ നിന്നിൽ കോർക്കുന്ന പൊന്നിൻ പൂങ്കാവിൽ പോയിടാൻ
ഏതോ നോവിന്റെ ചില്ലിൻ പൂന്തോട്ടം എന്നും കാക്കുന്നു
ചന്തമായി.....
(അകതാരിലെ മഴ വാർന്നു പോയി )

Song video

Watch on YouTube