Malayalam lyrics

ആനന്ദവാസം അമരവിലാസം
ആഹാ കേരളദേശം അനുപമസന്ദേശം
അണിയണിയനവധി മരതകപര്‍വ്വതം
അഴകിടുമെന്‍ ദേശം- അലകടല്‍
തഴുകിടുമെന്‍ ദേശം
കളകളമരുളിയ കനിവിന്‍ ചോലകള്‍
കളിയാടും ദേശം
തുഞ്ചന്‍ കിളിപാടും ദേശം
ഓ.....
കനിയും തേനും കലരും പ്രകൃതികള്‍
അണിയും മമദേശം
പ്രകൃതികള്‍ പണിയും മമദേശം
ആനന്ദവാസം
മണിനെല്‍പ്പട്ടുകളണിയും വയലുകള്‍
മാറണിയും ദേശം
മാരിക്കാറണിയും ദേശം
ഓ....
മന്നിതിലടിമയുമുടമയുമൊന്നായ്
മരുവും മമദേശം
സൌഹൃദമധുരം മമദേശം
ആനന്ദവാസം
കല്പവൃക്ഷകരമമൃതവുമേന്തി
കരള്‍കവരും ദേശം
മഹിമകള്‍ കൈതൊഴുമെന്‍ ദേശം
കാമധേനുകളിയാടും നാടിതു
കാണുവിനെന്‍ ദേശം
ആഹാ കാമദമെന്‍ ദേശം

Song video

Watch on YouTube

Song details

വർഷം: 1953

സംഗീതം: ബ്രദർ ലക്ഷ്മണൻ

ഗാനരചന: തിരുനയിനാർകുറിച്ചി മാധവൻ നായർ

ഗായകർ: എൻ ലളിത, കോറസ്

വർഗ്ഗീകരണം: കേരള

വിശദവിവരങ്ങൾ: മിഴിനീർ

വിഡിയോ: ഗാനസ്നേഹി

Album: പൊൻകതിർ