Malayalam lyrics

ആ...ആ...ആ‍...ആ...
ശതതന്ത്രിയാകും മണിവീണ
ഈ വിശ്വ ഹൃദയമൊരു മാണിക്യവീണ (2)
സുസ്നേഹഭാവങ്ങള്‍ സ്വര്‍ണ്ണാംഗുലികളാല്‍
സപ്തസ്വരങ്ങള്‍ തന്‍ കലികകള്‍ വിടര്‍ത്തുന്ന
മുഗ്ദ്ധസംഗീത വസന്തം രചിക്കുന്ന
(ശതതന്ത്രിയാകും ...)
ആ...ആ....ആ...ആ...
ഇളവെയില്‍ തന്ത്രികള്‍ മീട്ടിയുഷഃസ്സന്ധ്യ
മധുരമാം ഭൂപാളമാലപിക്കും (2)
ആയിരം കിളികളും പുഴകളും കുളിര്‍കാറ്റുമാ
രാഗമാത്മാവിലേറ്റു വാങ്ങും (2)
ഹരിനീലമാം പീലി തുള്ളും മയൂരമായ്
പ്രകൃതിയതിലാലോലമാടും
പ്രകൃതിയതിലാലോലമാടും
(ശതതന്ത്രിയാകും ...)

അനഘമുഹൂര്‍ത്തങ്ങള്‍ ആത്മഹര്‍ഷത്തിന്റെ
അമൃതവര്‍ഷിണി രാഗമാലപിക്കും (2)
സായന്തനങ്ങള്‍ തന്‍ സൌന്ദര്യസാനുവില്‍
വാസന്ത കോകിലാലാപമാകും (2)
ഒടുവില്‍ വന്നടിയുന്ന ശാന്തിതന്‍ തീരത്തിൽ
ഒരു ശംഖിലോംകാരമാകും
ഒരു ശംഖിലോംകാരമാകും
(ശതതന്ത്രിയാകും ...)

Song information

Music: ഡോ സുരേഷ് മണിമല

Lyricist: ഒ എൻ വി കുറുപ്പ്

Singer: കെ എസ് ചിത്ര

Film/album: പാട്ടിന്റെ പാലാഴി

Explore this song