Malayalam lyrics

വിശ്രുതമാകും ഭൂപാള ഭംഗിയിൽ
വിശ്വം ലയിക്കുമീ ഉഷഃകാലത്തിൽ
വിമല ദളങ്ങളിൽ ഹരിശ്രീ കുറിച്ചു നീ...
വിടരൂ മനസ്സേ പ്രിയതാമരെ...
(വിശ്രുതമാകും ഭൂപാള ഭംഗിയിൽ )
വിട പറഞ്ഞീടുമാ രജനിതൻ ഗദ്ഗദം
നീട്ടുമാ കണ്ണുനീർ മഞ്ഞലയായ് (2)
ഹൃദയാങ്കണത്തിലെ മോഹമാം പുൽത്തുമ്പിൽ (2)
രജതകിരീടമായ് മിന്നിനിൽക്കേ...
ഉദയോത്സവത്തിന് കേളിയൊരുക്കീടാൻ  
ഹൃദയം തംബുരു മീട്ടുകയായ്...
(വിശ്രുതമാകും ഭൂപാള ഭംഗിയിൽ )
ഒരു കിളിക്കൊഞ്ചലിൽ വീണു തകർന്നൊരാ
മൗനത്തിൻ പൊൻവളപ്പൊട്ടു തേടി (2)
ഇതുവഴി വന്നൊരാ തെന്നലിൻ  കൈകളിൽ (2)
കുറുമൊഴി മുല്ലകൾ പൂത്തുനിൽക്കേ...
പുലർകാല കന്യയെ പാടിയുണർത്തീടാൻ
ഉയരെ മേഘങ്ങൾ നീങ്ങുകയായ്....
(വിശ്രുതമാകും ഭൂപാള ഭംഗിയിൽ )

Song information

Film/album: ലളിതഗാനങ്ങൾ

Explore this song