Malayalam lyrics

മനസ്സിന്റെ മൈനേ നീ മഞ്ചലേറി വാ
പറന്നെന്റെ ആശാ നികുഞ്ജത്തിൽ വാ
കുളിരുള്ള രാവല്ലേ ചിറകിന്റെ ചൂടില്ലേ
മലരമ്പുകൊണ്ടുണർന്നുപോയീ ഞാൻ
ഇതുവരെ ഇണകളിലെഴുതിയ പുതു-
ലഹരികളിവരുടെ കനവിൻ നിഴലിൽ
(മനസ്സിന്റെ...)
കുളിരോലപ്പന്തലിട്ടൊരു കായലോരവും
വയൽപ്പാട്ടു നൽകിടുന്നൊരു പ്രേമശീലും
കളകളങ്ങളിൽ ഒഴുകുമോടവും
വളകിലുക്കി നീ അരികിലുള്ളതും
അനുരാഗം നിറയാനായ് നീ വാ വാ
മനസ്സിന്റെ മൈനേ നീ മഞ്ചലേറി വാ
പറന്നെന്റെ ആശാനികുഞ്ജത്തിൽ വാ
കളിവാക്കും ചൊല്ലിയെന്നുടെ കൂട്ടുകാരനും
കിളിക്കൊഞ്ചൽ പോലെ നിന്നുടെ
പ്രേമദൂതും
മൃദുലമായ് വരും പവനസ്നേഹവും
മൃദുവിരൽതൊടും രോമഹർഷവും
ഇവയെന്നും പകരാനായ് നീ വാ വാ
(മനസ്സിന്റെ...)

Song information

Music: കലവൂർ ബാലൻ

Lyricist: വയലാർ ശരത്ചന്ദ്രവർമ്മ

Singer: ജി വേണുഗോപാൽകെ എസ് ചിത്ര

Film/album: അച്ചാമ്മക്കുട്ടിയുടെ അച്ചായൻ

Explore this song