Malayalam lyrics

മണിക്കതിർ കൊയ്തു കൂട്ടും
കളപ്പുരപ്രാക്കൾ വാ
തളിർത്ത തേന്മാവിൽ വീണ്ടും
കണിക്കുയിൽ പാടി വാ
മലർക്കുടം തേൻ ചൊരിഞ്ഞു
ഒരിക്കലീ തോപ്പിലും
നിരന്നിളന്നീർക്കുടങ്ങൾ
നമുക്കതിന്നോർമ്മയായ്
മുകിൽക്കുടം വീണുടഞ്ഞു
മഴക്കുളിർ പെയ്യവേ
പളുങ്കൊളി ചോലയാകും
കളിമുറ്റം നീളവേ
നാമൊഴുക്കിയാലോലം
പ്ലാവില തൻ പൊൻ തോണി
കുഞ്ഞുറുമ്പും പൂത്തുമ്പീം
അക്കരയ്ക്കു പോയേ വാ
പാടിയോമൽക്കൗതുകങ്ങൾ നാം (മണിക്കതിർ...)
തിരുക്കുടുംബത്തെ വാഴ്ത്താൻ
ഒരേ സ്വരമായീ നാം
ഒരേ മുളം കൂട്ടിനുള്ളിൽ
മയങ്ങും കിനാക്കളായ്
പുണ്യനാളിൽ നാമൊന്നായ്
പള്ളിമുറ്റം പുൽകുമ്പോൾ
പൊൻ കുരുന്നു കുഞ്ഞോല
കൈയ്യിലേന്തി പാടുമ്പോൾ
താരകൾ തൻ കൺ നിറഞ്ഞുവോ (മണിക്കതിർ...)

Song video

Watch on YouTube

Song information

Music: ജെർസൺ ആന്റണി

Lyricist: ഒ എൻ വി കുറുപ്പ്

Singer: കെ ജെ യേശുദാസ്

Film/album: പുത്രൻ

Explore this song