Malayalam lyrics
മിഴികളിലഴകിന് പൂക്കാലം കനവുകള്മെനയും പുലര്കാലമായ് മഴവില്ലു തുന്നിയ തൊങ്ങലുമായ് മയില്പ്പീലിച്ചിറകുകള് നീര്ത്തുകയായ് മനസ്സും മാനവുമൊരുപോലെ ( മിഴികളിലഴകിന് ... ) പൂന്തളിരിന് പൊന്രേണുവുമായ് വസന്തകാല മൌനം ... താഴ്വരയില് പൈന്തേൻമഴയില് അലിഞ്ഞലിഞ്ഞു പാടും നീയെന്നെഞ്ചിലുരുമ്മിയ ചന്ദനവല്ലകിയിന്നലെ മീട്ടീ നീയെന്നുള്ളിലുറങ്ങുമൊരമ്പിളിമുത്തിനു ചാരുത കൂട്ടീ ആരാരുമറിയാതെയേതോ സ്വരമധുരിമയായ് നാം മൂളുകയായ് ( മിഴികളിലഴകിന് ... ) വാര്മുകിലിന് മഞ്ഞാടയുമായ് വിരുന്നു വന്നയാമം ... ഓര്മ്മകള് തന് പുല്ലാങ്കുഴലില് നിറഞ്ഞുറഞ്ഞൊരീണം നീയെന്ചുണ്ടിലുണര്ത്തിയ മായികപഞ്ചമ രാഗപരാഗം ഏതോ മാസ്മരമോഹനഭാവനചാര്ത്തിയ മൂകവികാരം സല്ലാപസംഗീതമായി ഉള്ളിലിതളിടുമേതോ ശ്രുതിയായി (മിഴികളിലഴകിൻ ..)
Song video
Song information
Music: ഔസേപ്പച്ചൻ
Lyricist: ഗിരീഷ് പുത്തഞ്ചേരി
Singer: പി ജയചന്ദ്രൻ
Film/album: ആകാശത്തേക്കൊരു കിളിവാതിൽ
Explore this song
- Singer: പി ജയചന്ദ്രൻ
- Film / album: ആകാശത്തേക്കൊരു കിളിവാതിൽ
- Composer: ഔസേപ്പച്ചൻ
- Lyricist: ഗിരീഷ് പുത്തഞ്ചേരി