Malayalam lyrics

പവിഴമുന്തിരി മണികൾ പോലെ
പവിഴമല്ലിപ്പൂക്കൾ പോലെ
പുലരിവെയിലിൻ പുതുമപോലെ
പൂത്തുനില്പ്പൂ നീയെന്നുള്ളിൽ
നില്ല് നില്ല് ചെല്ലക്കിളിമകളേ, ഒന്നു
ചൊല്ല് ചൊല്ല് എന്നേ ഇഷ്ടമല്ലേ?

പോരു നീ മിണ്ടാതെ നില്ക്കയോ
പേരു നീ പറയാതെ പോകെയോ
ആരുനീയോമലേ അറിയുകില്ലെങ്കിലും
തമ്മിൽ നാളായ് പോൽ സൗഹൃദം
ഇനി കാണുമോ എൻ കൂടെനീ
നില്ല് നില്ല് ചെല്ലക്കിളിമകളേ, ഒന്നു
ചൊല്ല് ചൊല്ല് എന്നേ ഇഷ്ടമല്ലേ?

പാറിവാ പൂത്തുമ്പിയായ് വാ
ഊറിവാ മകരന്ദമായ് വാ
ഈ പട്ടുപൂമെത്തയിൽ പാൽനിലാശയ്യയിൽ
പോരൂ നീ കാറ്റായ് പുല്കുവാൻ
എൻ മനസിനെ നിൻ മനസുമായ്
നില്ല് നില്ല് ചെല്ലക്കിളിമകളേ, ഒന്നു
ചൊല്ല് ചൊല്ല് എന്നേ ഇഷ്ടമല്ലേ?

Song information

Music: ഗിരീഷ് സൂര്യനാരായണൻ

Lyricist: ജി നിശീകാന്ത്

Film/album: നാദം - സ്വതന്ത്രസംഗീതശാഖ

Explore this song