Malayalam lyrics

പാർവ്വതീ നായകൻ പരമേശ്വരൻ
പാരിൻ പരിതാപം തീർക്കും ഹരൻ
ദുരിതശരങ്ങളെ പൂമാലയാക്കിയും
ദുഃഖശതങ്ങളിൽ പുളകങ്ങൾചാർത്തിയും
കാത്തരുളീടുന്ന വിശ്വേശ്വരൻ
എല്ലാമറിയുന്ന സർവ്വേശ്വരൻ

കാലിടറീടുമെൻ കലികാല യാത്രയിൽ
നേർവഴികാട്ടുവോനല്ലോ
മുക്കണ്ണാൽ കാലം മൂന്നും നയിക്കുന്ന
മുക്കണ്ണാൽ കാലം മൂന്നും നയിക്കുന്നോ-
രാശ്രിതവൽസലനല്ലോ
സത്യം ശിവം സുന്ദരം, നിത്യം
മോക്ഷം ശുഭം ശ്രീകരം

ജീവിതമാകുമീ മരുഭൂമിയിൽ ദാഹ
നീരുറവായവനല്ലോ
ആശ്രയമില്ലാതെ അലയുന്ന ദേഹിക്ക്
ആശ്രയമില്ലാതെ അലയുന്ന ദേഹിക്കൊ-
രാശ്വാസമാപ്പദമല്ലോ
സത്യം ശിവം സുന്ദരം, നിത്യം
മോക്ഷം ശുഭം ശ്രീകരം

Song information

Music: പ്രകാശ് കുമാർ വെണ്മണി

Lyricist: ജി നിശീകാന്ത്

Singer: ഡോ ഹരിദാസ്

Film/album: ശ്രീശിവശൈലം-ആൽബം

Explore this song