Malayalam lyrics

പൊന്നോമനയ്ക്ക് ഒരു പട്ടുപാവാടയും

തുന്നി വരുന്ന വെളുത്ത വാവേ

മറഞ്ഞു താമര പൂവുപോൽ -ചായുമെൻ

മുത്തിനെയൊന്നുറക്കൂ... ഓമന

മുത്തെ നീയൊന്നുറങ്ങൂ...

തങ്കക്കുടത്തിനു താരാട്ട് പാടുന്ന

പങ്കായമേ എന്റെ തബുരുവേ

ഈ വഞ്ചിത്തൊട്ടിലിലവളുറങ്ങി

ഇനി നീയൊന്നും മിണ്ടരുതേ...

കാറ്റത്തു മന്ദാരപ്പൂവുപോലാടുമെൻ

കണ്മണിയെ എന്റെ പൊന്നുമോളെ

എന്നെന്നുമച്ഛന്റെ സൗഭാഗ്യമേ -ഇനി

എല്ലാമേ നിനക്കു സ്വന്തം...

Song information

Music: ആർ സോമശേഖരൻ

Lyricist: പി പ്രകാശ്

Singer: മധു ബാലകൃഷ്ണൻ

Film/album: ബ്രഹ്മാസ്ത്രം

Explore this song